Hələ ki, heyətinə yeni futbolçu cəlb etməyən “Sabah” transfer çalışmalarını davam etdirir.
Oxu.Az Sport24.az-a istinadən xəbər verir ki, “bayquşlar” yeni qapıçı axtarışına çıxıblar.
Masazır təmsilçisinin baş məşqçisi Vasili Berezutski rəhbərlikdən yeni, daha səviyyəli “çərçivə qoruyucusu”nun transferini istəyib. Rusiyalı mütəxəssis hazırda heyətdə yer alan Yusif İmanov və Nicat Mehbalıyevin performansından narazıdır.
Buna görə klub rəhbərliyi baş məşqçinin istəyi ilə legioner qapıçı axtarır.
Qeyd edək ki, Premyer Liqada qış transfer pəncərəsi 14 yanvar – 10 fevral tarixlərini əhatə edəcək.
