ABŞ Ali Məhkəməsi, Çinin “ByteDance” şirkəti “TikTok” sosial şəbəkəsini amerikalı sahibkarlara satmyacağı təqdirdə, tətbiqin ölkə ərazisində qadağa qoyulmasına qərar verib.
Oxu.Az xəbər verir ki, bu barədə CNBC məlumat yayıb.
Satış yanvarın 19-dək yerinə yetirilməsə, həmin gündən etibarən proqram ölkədə qadağan olunacaq. “TikTok”un yayıldığı əsas platformalar, məsələn, “Apple”ın “Appstore” və “Google”un “Play Market” xidmətləri onu silmək məcburiyyətində qalacaqlar, əks halda onlar da cəzalandırılacaq.
ABŞ rəsmiləri hesab edir ki, ölkədə “TikTok” istifadəçiləri haqqında məlumatların toplanması milli təhlükəsizliyə təhlükə yaradır. Şirkət Pekin tələb etsə belə, bu məlumatları Çin hökumətinə təhvil verməyəcəyinə söz verib.
