“Qarabağ” heyətini qanalı futbolçu ilə gücləndirəcək.
Oxu.Az “Sportinfo”ya istinadən xəbər verir ki, Azərbaycan çempionu uzun müddətdir danışıqlar apardığı legionerlərdən biri ilə nəhayət razılıq əldə edə bilib.
Qurban Qurbanovun xidmətinə maraq göstərdiyi əcnəbi Qanadandır. Yarımmüdafiə xəttində çıxış edən afrikalı Azərbaycana gəlməyə razılaşıb.
Onun məxsus olduğu klub da bu keçidə razılıq verib, indi tərəflər arasında təzminat mövzusunda bəzi xırda detalların müzakirəsi gedir.
Son anda hansısa bir ciddi nüans ortaya çıxmasa, “köhlən atlar” 2025-ci ilin ilk transfer çalışmasını tamamlayacaqlar.
Futbolçunun adı isə hələ ki gizli saxlanılır.
