İngiltərə milli futbol komandası və “Tottenhem” klubunun sabiq üzvü Dele Alli İtaliya A Seriyasının “Komo” klubuna keçib.
Oxu.Az “SporX”ə istinadən xəbər verir ki, 28 yaşlı ingilis 2026-cı ilin yayınadək müqavilə imzalayıb.
Müqaviləyə, həmçinin daha bir mövsüm uzatma seçimi də daxil ediləcək.
İngilis futbolçu 2024-cü ilin yayında “Everton”dan ayrılıb, o vaxtdan sərbəst agent statusunda qalıb. Klub karyerasında o, həmçinin İngiltərənin “Milton Keyns Dons” və Türkiyənin “Beşiktaş” klublarında çıxış edib. Alli 2015-2022-ci illərdə “Tottenhem”in heyətində oynayıb.
Alli İngiltərə milli komandasının əsas heyətində 2015-ci ildə debüt edib. Ümumilikdə milli komanda üçün 37 oyun keçirib və üç qol vurub. Futbolçunun 28 yaşı var və mərkəz yarımmüdafiəçi mövqeyində çıxış edir.
