“Bakı şəhərində istismar müddətini bitirmiş 2 000-ə yaxın lift yenisi ilə əvəz olunacaq”.
Oxu.Az xəbər verir ki, bunu jurnalistlərə açıqlamasında Bakı şəhər “Lifttəmir” İstehsalat Birliyinin direktoru Xalid Ələkbərov deyib.
Onun sözlərinə görə, bu dəyişiklik, əsasən, köhnə binaları əhatə edəcək:
“Dövlət proqramına uyğun olaraq, Bakı şəhərində bizim xidmətimizdə olan köhnə binaların liftləri yenilənəcək. Son dörd il ərzində 1 206 yeni lift quraşdırılıb, istifadəyə verilib. Ümumiyyətlə, xidmətimizdə isə 5 400 lift mövcuddur”.
Xalid Ələkbərov son zamanlar artan lift qəzaları ilə bağlı da danışıb:
“Bizim xidmətimizdə olan liftlərə mütəmadi olaraq monitorinqlər təşkil edirik. Xidmətimizdə olan liftlərdə qəza hallarına rast gəlinməyib”.
Məhərrəm Əliyev
