Azərbaycan idmançısı atıcılıq üzrə H&N kubokunda uğurlu çıxış edib.
Oxu.Az xəbər verir ki, Vladislav Kalmıkov Almaniyanın Münhen şəhərində keçirilən yarışda bürünc medal qazanıb.
Atıcımız oğlanlar arasında pnevmatik tapançadan 10 metr məsafəyə atəşaçma yarışında 217.1 xal toplayıb. Bu, turnirdə 7 snayperlə təmsil olunan komandamızın ilk medalı olub.
Qeyd edək ki, turnirə sabah yekun vurulacaq.
