ABŞ Prezidenti Donald Tramp hesab edir ki, ölkəsinin ərazisi yaxın zamanda əhəmiyyətli dərəcədə böyüyəcək.
Oxu.Az-ın TASS-a istinadən verdiyi məlumata görə, Ağ Ev rəhbəri bu barədə Las-Veqasda (Nevada ştatı) çıxışı zamanı bəyan edib.
“Yaxın gələcəkdə ölkəmiz əhəmiyyətli dərəcədə böyüyə bilər. Tezliklə biz ölkə olaraq böyüyə bilərik”, – deyə prezident bildirib.
O, bunun necə baş verə biləcəyini izah etməyib.
Qeyd edək ki, ABŞ-nin yeni lideri əvvəllər dəfələrlə Kanadanın ABŞ-yə qoşulmasını dəstəkləyib və bu halda ona hərbi və digər üstünlüklər vəd edib.
Kanada hakimiyyəti bunun heç vaxt baş verməyəcəyini bildirib.
Tramp həmçinin vurğulayıb ki, Qrenlandiya ABŞ-yə birləşməlidir. O, əgər Danimarka adadan imtina etməsə, ona qarşı yüksək ticarət rüsumları tətbiq edəcəyi ilə hədələyib.
Tramp hələ ilk prezidentlik müddətində Qrenlandiyanı almağı təklif edib. O vaxt olduğu kimi, Danimarka və Qrenlandiya hakimiyyəti bu ideyanı rədd edib.
Comments are closed.