Türkiyənin Alanya şəhərində çoxmərtəbəli binada yanğın baş verib.
Oxu.Az “A Haber” telekanalına istinadən xəbər verir ki, hadisə yerində işçilər olub.
“Alanyada çoxmərtəbəli binalardan birində baş verən yanğın sakinlər arasında təşviş yaradıb. Yanğınsöndürmə briqadaları işçilərin təmir apardığı binaya göndərilib”, – məlumatda bildirlir.
Qeyd olunur ki, 12 mərtəbəli hotelin tikintisi zamanı baş verən yanğında içəridə qalan 4 işçi xilas edilib.
Binada digər işçilərin olub-olmamasını aydınlaşdırmaq üçün hadisə yerində xilasedicilər əməliyyatı davam etdirir.
