Baku TV bələdiyyə seçkisinin gedişatı ilə bağlı son məlumatları diqqətə çatdırıb.
23 saylı Nəsimi-Səbail seçki dairəsinin 5 saylı seçki məntəqəsində müşahidəçi Sevinc Həbibova səsvermənin şəffaf keçdiyini, heç bir qayda pozuntusu aşkarlanmadığını bildirib.
Qeyd edilib ki, sözügedən seçki məntəqəsində seçici aktivliyi müşahidə edilir.
“Məntəqədə 1 409 seçici qeydiyyata alınıb. Daşınan qutu üçün 10 sakin müraciət edib. Məntəqə üzvü onların yaşadıqları ünvanlara gedərək səsvermə hüquqlarını təmin edəcək”, – deyə məntəqə sədri İlahə Carçıyeva bildirib.
24 saylı Nizami birinci seçki dairəsinin 9 saylı seçki məntəqəsində də seçicilərin səsvermədə fəal iştirak etdikləri vurğulanıb.
“1 487 seçici qeydiyyata alınıb. Artıq 265 nəfər səsvermə hüququndan istifadə edib”, – deyə məntəqə sədri Vüsalə Məmmədova məlumat verib.
Daha ətraflı videomaterialda:
