Səudiyyə Ərəbistanının “Əl-Hilal” klubu “Real Madrid”in braziliyalı ulduz futbolçusu Rodriqo üçün astronomik təklif göndərib.
Oxu.Az “Fichajes” nəşrinə istinadən xəbər verir ki, daha əvvəl Vinisius Juniora 300 milyon avro təklif edən “Əl-Hilal” rəsmiləri bu dəfə həmin məbləği Rodriqo üçün ödəməyə hazırdırlar.
24 yaşlı futbolçunun Madrid klubu ilə müqaviləsi 2028-ci ilin iyun ayına qədər nəzərdə tutulub.
Qeyd edək ki, Rodriqo cari mövsüm çıxış etdiyi 29 matçda 12 qol və 7 assistlə yadda qalıb.
