Türkiyənin Zonquldaq vilayətinin Gülüç rayonu Bələdiyyəsində 20 il sürücü kimi işləmiş Sadık Kara adlı kişi bələdiyyə sədri seçilib.
Bu barədə Oxu.Az “Sondakika.com”a istinadən xəbər verir.
Məlumata görə, bələdiyyədə çalışan bir qadın işçinin şikayəti əsasında cinsi zorakılıq maddəsi üzrə həbs cəzasına məhkum edilən əvvəlki bələdiyyə sədri Gökhan Mustafa Dəmirtaş vəzifəsindən azad edilib. Bundan sonra bələdiyyə məclisi yeni sədrin seçilməsi üçün seçki keçirib. Bələdiyyə sədrinin müavini vəzifəsini icra edən Tarık Semiz ilə Sadık Karanın yarışdığı seçkidə məclis üzvləri Karanın lehinə səs verib və nəticədə o qalib gəlib.
Doqquz məclis üzvündən səkkizinin səsini toplayan Sadıq Kara Gülüç Bələdiyyəsinin yeni sədri olub.
Comments are closed, but trackbacks and pingbacks are open.