“Real Madrid” klubundan azarkeşlərə sevindirici xəbər: Zədəliləri qayıdır

“Real Madrid”in baş məşqçisi Karlo Ançelotti zədəli olan futbolçuları Lukas Vaskes, Antonio Rudiger və David Alaba haqqında danışıb.

Oxu.Az xəbər verir ki, italiyalı mütəxəssis onların Çempionlar Liqasının pley-off mərhələsinin “Mançester Siti” ilə cavab matçında meydana çıxa biləcəklərini bildirib:

“Onlar yaxşılaşır. Bazar ertəsinə qədər fərdi məşqlərini davam etdirəcəklər, çərşənbə axşamından isə komanda ilə birgə məşqlərə qoşulacaqlar. Onlar “Mançester Siti” ilə oyuna hazır olacaqlar”.

Xatırladaq ki, Çempionlar Liqasının ilk pley-off mərhələsi çərçivəsində keçirilən birinci matçda “Real Madrid” səfərdə “Mançester Siti”yə 2:3 hesabı ilə qalib gəlib. İkinci görüş fevralın 19-da “Santyaqo Bernabeu” stadionunda, Bakı vaxtı ilə saat 00:00-da keçiriləcək.

Mənbə

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More