UEFA Çempionlar Liqası: Səkkizdəbir finala yüksələn son dörd komanda bəlli olacaq

Bu gün UEFA Çempionlar Liqasında 1/8 final mərhələsinə yüksələcək son dörd komandanın adına aydınlıq gətiriliəcək.

Oxu.Az xəbər verir ki, pley-off mərhələsi çərçivəsundə “Borussiya Dortmund” “Sportinq”i Bakı vaxtı ilə saat 21:45-də qəbul edəcək.

Digər görüşlər Bakı vaxtı ilə gecəyarısı keçiriləcək.

PSJ “Brest” ilə, “Real Madrid” klubu “Mançester Siti” ilə, PSV isə “Yuventus” klubu ilə üz-üzə gələcək.

Xatırladaq ki, Liqa mərhələsindən sonra “Liverpul”, “Arsenal”, “Aston Villa” (hamısı İngiltərə), “İnter” (İtaliya), “Barselona”, “Atletiko Madrid” (hər ikisi İspaniya), “Bayer Leverkuzen” (Almaniya) və “Lill” (Fransa) birbaşa 1/8 finala vəsiqə qazanıblar.

UEFA Çempionlar Liqası

Pley-off mərhələsi

19 fevral

21:45, “Borussiya Dortmund” – “Sportinq”.

20 fevral

00:00, “Real Madrid” – “Mançester Siti”;

00:00, PSV – “Yuventus”;

00:00, PSJ – “Brest”.