UEFA Konfrans Liqasında 1/8 final mərhələsinə yüksələn daha 3 komandanın adına aydınlıq gəlib.
Oxu.Az xəbər verir ki, “Gent”lə ev matçına səfərdə qazandığı 0:3 hesablı üstünlüklə çıxan “Real Betis” sürprizə imkan verməyib. İspanlar cavab matçında minimal hesabla məğlub olsalar da, Belçika klubunu mübarizədən kənarlaşdırıblar – 0:1 (ümumi hesab – 3:1).
“Lyublyana” ev matçında Bosniya təmsilçisi “Borats Banya Luka” ilə bacarmayıb və ilk matçda aldığı minimal hesablı məğlubiyyət səbəbindən yarışı tərk edib – 0:0 (0:1).
Kiprin iki klubu – “Pafos” və “Omoniya” qarşıdurmasında isə qalib birincilər olub. İlk oyundakı 1:1 hesablı heç-heçəyə cavab olaraq, “Pafos” ev oyununda qalib gəlib – 2:1 (3:2).
Bununla da, “Real Betis”, “Pafos” və “Borats Banya Luka” növbəti mərhələyə adlayıblar.
Xatırladaq ki, “Çelsi”, “Gimarayeş”, “Fiorentina”, “Rapid”, “Dyürqarden”, “Luqano”, “Legiya” və “Serkle Brügge” Liqa mərhələsindən birbaşa 1/8 finala vəsiqə qazanıb.
Comments are closed.