İsrail tədqiqatçıları xərçənglə mübarizədə yeni müalicə metodları üzərində işləyirlər. Onların yeni kəşfi xərçəng xəstələrində immunoterapiyanın effektivliyini əhəmiyyətli dərəcədə artıraraq, şişlərin orqanizmin immun sisteminin təsirinə məruz qalmasına imkan verə bilər. Bu strategiya müəyyən xəstələr üçün immunoterapiya imkanlarını genişləndirməklə yanaşı, xərçənglə mübarizə aparan yeni dərmanların hazırlanmasına yol açır.
Bu barədə ölkənin TPS -IL agentliyi məlumat yayıb. Bildirilib ki, Veysman İnstitutunun və Stenford Universitetinin alimləri şişləri anormal zülallar istehsal etməyə məcbur etmək və onları immun hüceyrələr üçün görünən hala gətirməyə çalışıblar. Laboratoriya modellərində bu yeni üsul şişləri məhv etməyə və onların böyüməsini ləngitməyə qadir olan güclü immun reaksiyaya səbəb olub. Tapıntılar “Cancer Cell” jurnalında dərc edilib.
Yeni nəsil müalicə yanaşmalarından biri olan immunoterapiya immunitet sistemini yenidən təşkil etməyi və bədənin xərçəngin özünü məğlub etməsini təmin edir. İmmunoterapiya ya immun sistemini bütövlükdə stimullaşdırır, ya da xərçəng hüceyrələrini xüsusi olaraq tanıyaraq hücum etməyə kömək göstərən sintetik komponentlər təqdim edir. Bununla belə, xərçəng xəstələrinin orta hesabla yarısı hazırda immunoterapiya üçün namizəddir və yalnız təxminən 20 faizi effektiv cavab verir.
Araşdırmanın xərçənglə mübarizədə əhəmiyyətli dərəcədə təsir göstərəcəyini vurğulayan tədqiqat rəhbəri professor Yardena Samuels bu metodun əvvəllər müalicəyə cavab vermək üçün hüceyrələri çox az mutasiyaya malik olan xəstələrə immunoterapiyanı effektiv edə biləcəyini söyləyib.
Qeyd olunub ki, yeni tədqiqat daha fərdiləşdirilmiş xərçəng müalicələrinə şərait yaradacaq. (AZƏRTAC)
Comments are closed.