Fransa klubu “Barselona”nın futbolçusunu transfer etməyə yaxındır

Fransanın “Monako” klubu İspaniyanın “Barselona” komandasının hücumçusu Ansi Fatini heyətinə qatmağa yaxındır.

“Report” xəbər verir ki, bu barədə məşhur insayder Fabritsio Romano məlumat yayıb.

Liqa 1 təmsilçisi ispaniyalı futbolçunu satın alınması variantı ilə icarəyə götürməyi planlaşdırır.

Fatinin özünün də Fransa klubuna keçməyə hazır olduğu bildirilir.

Qeyd edək ki, forvard cari mövsüm “Barselona”nın heyətində bütün yarışlarda 11 oyun keçirsə də, qol vura bilməyib. Onun kataloniyalılarla olan müqavilə müddəti 2027-ci ilin yayına kimi nəzərdə tutulub.

Mənbə: Report.Az

Comments are closed, but trackbacks and pingbacks are open.

This website uses cookies to improve your experience. We'll assume you're ok with this, but you can opt-out if you wish. Accept Read More