İranda məhkəmə hakimi öldürülüb

İranın Fars əyalətinin Şiraz şəhərində məhkəmə hakimi hücum nəticəsində ölüb.

“Report” xəbər verir ki, məlumatı “Mehr” agentliyi yayıb.

Bildirilib ki, mayın 27-si səhər saatlarında iki nəfər Şirazda 2 saylı Cinayət Məhkəməsinin 102-ci şöbəsinin rəhbəri, hakim Ehsan Baqerini işə gedərkən qətlə yetiriblər.

Faktla bağlı araşdırma aparılır.