Ceyhun Bayramov: Azərbaycan-Keniya dostluğunun gələcəkdə də çiçəklənəcəyinə əminəm

Azərbaycan ilə Keniya arasında dostluq və tərəfdaşlığın qarşıdan gələn illərdə də çiçəklənəcəyinə əmin olduğumu bildirirəm.

“Report” xəbər verir ki, bunu Azərbaycanın xarici işlər naziri Ceyhun Bayramov “X”dəki səhifəsində yazıb.

“Azərbaycanın Müstəqillik Gününün 107-ci ildönümünü qeyd etmək üçün Nayrobidə keniyalı dostlarımıza qoşulmaq şərəf idi.

Hörmətli qonaqlarımızla bölüşdüyüm kimi, Azərbaycan 1918-ci ildə yaradılmış Azərbaycan Xalq Cümhuriyyətinin irsi ilə fəxr edir. Azərbaycan Heydər Əliyevin uzaqgörənliyi və Prezident İlham Əliyevin rəhbərliyi ilə bu gün güclü, müstəqil və müasir dövlətdir.

Bu xüsusi hadisə üçün bizə qoşulan hər kəsə ürəkdən təşəkkürümü bildirirəm və Azərbaycan ilə Keniya arasında dostluq və tərəfdaşlığın gələcək illərdə də çiçəklənəcəyinə əmin olduğumu bildirirəm”, – C.Bayramov qeyd edib.