Çin Sədri Si Cinpin ABŞ-yə nadir torpaq metallarının tədarükünü bərpa etməyə razılaşıb.
“Report”un məlumatına görə, bunu ABŞ Prezidenti Donald Tramp Vaşinqtondan Nyu-Cersiyə uçan təyyarəsinin göyərtəsində jurnalistlərə deyib.
O, Si Cinpinin ABŞ-yə nadir torpaq metal tədarükünü bərpa etməyə razı olub-olmaması ilə bağlı suala müsbət cavab verib. “Çin ilə razılaşmada çox yaxşı irəliləyiş əldə etdik. Biz aydınlıq istəyirdik”, – o, ABŞ və Çin nümayəndələrinin Londonda gözlənilən görüşü barədə danışarkən deyib.
Tramp Çin lideri ilə yaxşı söhbət etdiyini vurğulayıb. “Bu, mürəkkəb müqavilədir, lakin bu, bizə çoxlu pul və bir çox başqa şeylər qazandıracaq bir razılaşmadır”, – Tramp Pekinlə razılaşmalardan danışarkən əlavə edib.
Mənbə: Report.Az
Comments are closed, but trackbacks and pingbacks are open.