İraq ərəb ölkələrinin XİN başçılarının görüşünün keçirilməsini təklif edib

İraq ərəb ölkələrinin xarici işlər nazirlərinin regiondakı vəziyyətlə bağlı görüşünün çağırılmasını istəyib.

“Report” TASS-a istinadən xəbər verir ki, bu barədə İraqın xarici işlər naziri, baş nazirin müavini Fuad Hüseyn Misirin xarici işlər naziri Bədr Əbdül Ati ilə telefon danışığında bildirib.

Nazirlər Yaxın Şərqdəki vəziyyəti, o cümlədən İran-İsrail qarşıdurmasının eskalasiyasını müzakirə ediblər.

Onun sözlərinə görə, görüşün İstanbulda İslam Əməkdaşlıq Təşkilatı Xarici İşlər Nazirləri Şurası çərçivəsində keçirilməsi planlaşdırılır.