SEPAH: İsrailin səmasına tam nəzarəti ələ keçirmişik

İranın Hərbi Hava Qüvvələri gecə saatlarında raket hücumu zamanı İsrail səmasında nəzarəti təmin edib.

“Report” xəbər verir ki, bu barədə “İRNA” agentliyi İslam İnqilabı Keşikçiləri Korpusunun bəyanatına istinadən məlumat yayıb.

“Bugünkü raket hücumu göstərdi ki, biz İsrailin səmasına tam nəzarəti ələ keçirmişik və onların sakinləri İranın raket hücumlarına qarşı tamamilə müdafiəsizdirlər”, – İİKK-nın bəyanatında deyilib.

İsrailin “Yedioth Ahronoth” nəşri Qüds ərazisində güclü partlayış səslərinin eşidildiyini yazıb. Nəşrin məlumatına görə, İran İsrailə 20-yə yaxın raket atıb.