Britaniya XİN başçısı: Təl-Əvivdən vətəndaşlarımızı çıxarmaq üçün çarter reysləri açacağıq

Böyük Britaniya hava məkanı yenidən açıldıqdan sonra öz vətəndaşları üçün Təl-Əvivdən çarter reysləri təmin edəcək.

“Report” xəbər verir ki, bu barədə Böyük Britaniyanın xarici işlər naziri Devid Lemmi “X” sosial şəbəkəsində bildirib.

“Reyslər tələb səviyyəsindən asılı olaraq əlçatan olacaq. Böyük Britaniya vətəndaşlarının təhlükəsizliyi bizim əsas prioritetimiz olaraq qalır”, – o yazıb.