Azərbaycanın U-16 basketbol millisi Qazaxıstan təmsilçilərinə qalib gəlib

Azərbaycanın 16 yaşadək qızlardan ibarət basketbol millisi Qazaxıstanın Atrau şəhərində təşkil olunan “Airom Cup” beynəlxalq turnirində ev sahibi təmsilçiləri üzərində iki qələbə qazanıb.

“Report” xəbər verir ki, yığma ilk oyununda “Aul Sport” klubuna 72:32 hesabı ilə qalib gəlib.

Ardınca “Barsy Atrau” kollektivini 78:43 hesabı ilə üstələyib.

Qeyd edək ki, milli növbəti matçlarını iyunun 24-də keçirəcək.