“Beşiktaş” ingiltərəli hücumçunun transferi ilə bağlı açıqlama yayıb

Türkiyənin “Beşiktaş” klubu İtaliya təmsilçisi “Roma”da çıxış edən Temmi Abrahamı transfer edir.

“Report” xəbər verir ki, bu barədə İstanbul təmsilçisinin mətbuat xidməti məlumat yayıb.

“Qara qartallar” 27 yaşlı hücumçu və klubu ilə danışıqlara başladığını İctimaiyyəti Məlumatlandırma Platformasına (KAP) bildirib.

Qeyd edək ki, ingiltərəli forvard 2021-ci ildən “Roma”da çıxış edir.