Almaniya Avropa Komissiyası ilə 2029-cu ilə qədər maliyyə planı barədə razılığa gəlib

Almaniya hökuməti və Avropa Komissiyası (AK) ölkənin 2029-cu ilə qədər borc öhdəlikləri ilə bağlı razılığa gəlib.

“Report” xəbər verir ki, bu barədə “Handelsblatt” qəzeti Almaniya hökumətindəki mənbələrə istinadən yazır.

Nəşrə görə, Almaniya hökuməti 2025-2029-cu illər üçün dövlət xərclərinin maksimum icazə verilən artım üçün çoxillik planını Avropa Komissiyası ilə uğurla razılaşdırıb. Maliyyə planının hökumət tərəfindən qəbul ediləcəyi və daha sonra AK-yə göndəriləcəyi gözlənilir.

Qəzet qeyd edir ki, bu halda hərbi xərclərin artırılması və infrastrukturun inkişafı üzrə tədbirlər paketi əsaslı şəkildə Avropa İttifaqı qaydalarına uyğun olacaq.

Avropa Komissiyası, qəzetin vurğuladığı kimi, qaydaların hamıya şamil olunmasında israrlıdır. Lakin iqtisadçılar hesab edir ki, borc müqaviləsi bu prinsipi pozur. Brüsseldə yerləşən Bruegel beyin mərkəzinin direktoru Jeromin Zettelmeyer deyir ki, Almaniya Aİ qaydalarının tətbiqini öz ehtiyaclarına uyğun olaraq təhrif edir. Bu, onun fikrincə, fəlakətli nəticələrə səbəb ola bilər.

Razılaşmanın bir hissəsi olaraq, Aİ və Almaniya gələcək illərdə artım potensialının iki dəfə artacağını gözləyirlər. Borcların azad edilməsi bəndinə uyğun olaraq müdafiə xərcləri nəzərə alınmayacağından Almaniyanın dövlət borcunun səviyyəsi 2029-cu ildən azalacaq. Beləliklə, Almaniyanın dövlət borcunun səviyyəsi 2036-cı ilə qədər ilk dəfə ÜDM-in 60 %-nə düşəcək.