Nazirlik: Bu il 89 uşaq ailəsinə qaytarılıb

Bu il 89 uşağın müəssisələrdən ailələrinə qayıdışı təmin edilib.

“Report” xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.

Qeyd edilib ki, nazirliyin tabeliyində Sosial Xidmətlər Agentliyinin reinteqrasiya tədbirləri nəticəsində bu ilin ötən dövründə 125 uşağın ailələri tərəfindən müəssisələrə verilməsinin qarşısı alınaraq, onların öz ailələrində saxlanması təmin olunub.