Bu gün səhər saatlarında metronun “Xalqlar dostluğu” stansiyası yaxınlığında kişi meyiti tapılıb.
“Qafqazinfo” xəbər verir ki, əraziyə polis və təcili yardım briqadası cəlb olunub.
55-60 yaşlarındakı kişinin şəxsiyyəti hələlik məlum deyil.
Hadisə ilə bağlı Tibbi Ərazi Bölmələrini İdarəetmə Birliyinə (TƏBİB) sorğu ünvanladıq. Sorğumuza cavab olaraq bildirildi ki, bu gün saat 07:50 radələrində Respublika Təcili və Təxirəsalınmaz Tibbi Yardım Mərkəzinə Nizami rayonundan təcili çağırış daxil olub:
“Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 1 nəfərin (kişi) həkiməqədər ölüm faktı qeydə alınıb”.
Mənbə: Qafqazinfo.Az
Comments are closed.