Gürcüstanda məhbusların sayı 2014-cü ilin göstəricisini keçərək yeni antirekord qırıb. 2024-cü il sentyabrın 1-nə Gürcüstan həbsxanalarında 10 523 nəfər olub.
Oxu.Az xəbər verir ki, bu barədə Gürcüstanın Milli Statistika Xidməti “Sakstat” məlumat yayıb.
Bildirilir ki, 2014-cü ildə 10 372 nəfərlik pik həddindən sonra bu rəqəm sonrakı illərdə 9 800-ü keçməyib.
Mütləq antirekord isə 2011-ci ildə qeydə alınıb. O zaman 24 114 nəfər həbsxanada olub.
