İsveçdə kimya üzrə Nobel mükafatının laureatları elan olunub.
Oxu.Az-ın verdiyi məlumata görə, bu barədə İsveç Kral Elmlər Akademiyası məlumat verib.
Bildirilir ki, 2024-cü il kimya üzrə Nobel mükafatının laureatları “zülalların hesablama layihələndirilməsi”nə görə amerikalı alim Devid Beyker, həmçinin “zülalların strukturunun proqnozlaşdırılması”na görə britaniyalı tədqiqatçılar Demis Hassabis və Con Camper olublar
Laureatlar mükafatlarını dekabrın 10-da Stokholmda keçiriləcək rəsmi mərasimdə alacaqlar.
