Türk Hava Yollarında ölüm: Kapitan pilot uçuş zamanı həyatını itirdi

Türk Hava Yolları (THY) şirkətinin Sietl-İstanbul reysini həyata keçirən kapitan pilot İlçehin Pehlivan uçuş zamanı keçirdiyi narahatlıq səbəbindən dünyasını dəyişib.

Oxu.Az-ın “Haber Global”a istinadən xəbərinə görə, bu barədə Türk Hava Yollarının mətbuat müşaviri Yəhya Üstün məlumat verib.

“Sietl-İstanbul reysini həyata keçirən “Airbus 350″ tipli təyyarəmizin kapitan pilotu İlçehin Pehlivan uçuş zamanı huşunu itirib. Təyyarədə kapitanımıza edilən ilk tibbi müdaxilə nəticəsiz qaldıqda, 1 kapitan və 1 köməkçi pilotdan ibarət kokpit komandası təcili eniş qərarına gəlib, ancaq kapitanımız enişdən sonra həyatını itirib”, – deyə məlumatda bildirilib.

Təyyarə Nyu-Yorkda eniş edib, sərnişinlərin digər reyslə yola salınması planlaşdırılır.



Mənbə

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More