“Avropa İttifaqı (Aİ) Gürcüstanı daim tənqid edir, lakin Ukrayna və Moldovanı tərifləyir, halbuki orada bir-birinin ardınca telekanallar və partiyalar bağlanır”.
Oxu.Az TASS-a istinadən xəbər verir ki, bunu Gürcüstanın Baş naziri İrakli Kobaxidze deyib.
Baş nazir Avropa İttifaqının Gürcüstanın Aİ-yə qəbulunun bloklanmasına dair bəyanatını obyektiv hesab etməyib və bildirib ki, halbuki Moldova və Ukrayna müsbət qiymətlər alıb.
“Ukrayna və Moldovada nə media plüralizmi var, nə də siyasi plüralizm. Korrupsiya inkişaf edir, ciddi problemlər mövcuddur, institutlar son dərəcə zəiflədilib. Əsas məsələ obyektivlikdir, bunu cəmiyyət görmür”, – deyə o vurğulayıb.
