Taypeydəki Milli Tayvan Universitet Xəstəxanasının alimləri müəyyən ediblər ki, həftə sonları əlavə yuxu idrak qabiliyyətinin zəifləmə riskini 74% azalda bilər.
Oxu.Az-ın xəbərinə görə, araşdırmanın nəticələri “Sleep and Breathing” jurnalında dərc olunub.
Tədqiqatçılar yuxu və koqnitiv pozğunluq riski arasındakı əlaqəni öyrənmək üçün iki il ərzində 65 yaşdan yuxarı 215 kişi və qadını izləyiblər. İştirakçılar yuxu gündəlikləri aparır və yuxu müddətini dəqiq ölçmək üçün akselerometrlər – kosmosda obyektin hərəkətini izləyən qurğular taxırdılar.
Təhlil göstərib ki, könüllülərin təxminən yarısı həftə sonu yuxusuzluğunu kompensasiya etməyə çalışıb ki, bu da demensiya riskini 74% azaldır.
Alimlər hələ uzunmüddətli yuxunun beyni xəstəlikdən necə qoruduğunu dəqiq izah edə bilmirlər, lakin onlar əlavə istirahətin sinir əlaqələrini bərpa etməyə və koqnitiv geriləmə ilə bağlı iltihabı azaltmağa kömək edə biləcəyini düşünürlər.
