Sağlamlığında yaranan problem (çarpaz bağ yırtığı) səbəbindən 2023-cü ilin oktyabrından meydançaya çıxmayan “Əl-Hilal”ın 32 yaşlı hücumçusu Neymar oktyabrın 21-də keçiriləcək Asiya Çempionlar Liqasının “Əl-Ayn” ilə oyunu üçün komandasının heyətinə daxil edilib.
Oxu.Az xəbər verir ki, bu barədə “Əl-Hilal”ın “X” sosial şəbəkəsində rəsmi hesabı məlumat yayıb.
“Kimsə geri qayıdır. Mən hazıram. Bilirəm ki, həyəcanlısınız. Mən də. Oktyabrın 21-də qayıdacağam”, – braziliyalı futbolçu komandaya qayıtdığını elan edən videoda bildirib.
Xatırladaq ki, Neymar 2026-cı il dünya çempionatının seçmə turnirinin Uruqvayla qrup mərhələsinin oyununda (0:2) çarpaz bağlarından zədə almışdı.
Al-Hilal is happy to announce that Neymar will join the squad for the away trip to Al-Ain 🇧🇷
He’s back 💪@neymarjr 💙 pic.twitter.com/G9Lu4sZPaS
— AlHilal Saudi Club (@Alhilal_EN) October 19, 2024
