ABŞ-li mühəndis və milyarder İlon Mask dövlət xərclərinin eyni yüksək səviyyədə qalacağı təqdirdə Birləşmiş Ştatların müflisləşəcəyini proqnozlaşdırıb.
Oxu.Az bildirir ki, Mask bu barədə özünün “X” sosial şəbəkəsindəki mikrobloqunda yazıb.
“Əgər hökumət dövlət xərclərini radikal şəkildə azaltmasa, ABŞ çox maliyyə öhdəliyi götürmüş insan kimi faktiki olaraq müflisləşəcək”, – deyə biznesmen xəbərdarlıq edib.
Mask abunəçilərinə kreditləşmənin bəzi incəliklərini izah edib. Onun sözlərinə görə, istənilən borclanmada sonradan ödənişlərin əsas hissəsini borc faizləri təşkil edir.
“Onlar (faizlər – red.) vergi ödəyicilərindən büdcəyə daxil olan bütün vəsaitləri sürətlə udmağa meyillidirlər. Ölkənin kritik ehtiyacları üçün isə heç nə qalmır”, – deyə Mask xəbərdarlıq edib.
