“Real Madrid” sosial şəbəkələrdə ümumilikdə 600 milyon izləyici sayına çatan ilk klub olub.
Oxu.Az xəbər verir ki, Madrid təmsilçisi futbol, basketbol, ev oyunlarını keçirdiyi “Santyaqo Bernabeu” stadionu və digər kateqoriyalarla bağlı müxtəlif platformalarda 37 hesabının olduğunu açıqlayıb.
Səhifələrin 7 dildə fəaliyyət göstərdiyi bildirilib.
Qeyd edək ki, “Real Madrid” komandası hazırda La Liqada 24 xalla ikinci pillədədir.
