Bu gün Futbol üzrə Azərbaycan Kubokunda 1/8 finalın son iştirakçıları müəyyənləşəcək.
Oxu.Az xəbər verir ki, son oyun günündə “İmişli” Şamaxı Olimpiya İdman Kompleksinin stadionunda “Cəbrayıl”ı qəbul edəcək.
Görüş saat 14:00-da başlayacaq. Qalib komanda 1/8 finalda “Kəpəz”lə görüşəcək.
“Qəbələ” isə doğma meydanda “Baku Sportinq”lə üz-üzə gələcək. Qarşılaşmanın start fiti saat 15:00-da səsləndiriləcək. Bu cütün qalibi 1/8 finalda “Qarabağ”a rəqib olacaq.
Qeyd edək ki, raundun əvvəlki oyunlarında “Turan Tovuz” “Hypers Guba”nı (7:2), MOİK “Şimal”ı (3:1), “Araz-Naxçıvan” “Şahdağ Qusar”ı (4:0), “Kəpəz” “Ağdaş”ı (6:0), “Səbail” “Dinamo”nu (6:0), “Qaradağ Lökbatan” “Karvan”ı (3:0), “Mingəçevir” “Zaqatala”nı (1:0), “Difai” “Şəfa”nı (3:2), “Şamaxı” isə “Şəmkir”i (6:1) məğlub edib. 1/8 final qarşılaşmaları dekabrın 3-4-də keçiriləcək.
31 oktyabr
Azərbaycan Kuboku
II təsnifat mərhələsi
14:00. “İmişli” – “Cəbrayıl”
15:00. “Qəbələ” – “Baku Sportinq”
