ABŞ Ukraynaya 425 milyon dollar dəyərində yeni silah paketi ayırdığını açıqlayıb.
Oxu.Az xəbər verir ki, bu barədə Pentaqonun Mətbuat Xidməti məlumat yayıb.
Sənəddən məlum olduğu kimi, yeni yardım paketinə “NASAMS” zenit-raket kompleksləri üçün döyüş sursatı, “HIMARS” reaktiv atəş sistemləri, daşına bilən “Stinger” zenit-raket kompleksləri, 155 və 105 mm-lik artilleriya mərmiləri, “TOW” tank əleyhinə sistemləri üçün döyüş sursatları, “Javelin” və “AT-4” tank əleyhinə sistemlər , PUA-lara qarşı mübarizə vasitələri, hava-yer sinfinə aid döyüş sursatları, “Stryker” zirehli daşıyıcıları, atıcı silah və sursatlar daxildir.
Sənəddə vurğulanır ki, Kiyevə silahlar PDA (Prezidenti Drowdown Authority – red.) mexanizmi vasitəsilə ayrılacaq ki, bu da ABŞ prezidentinə fərmanla fövqəladə hallar zamanı Konqreslə razılaşdırılmadan xarici tərəfdaşa silah tədarük etməyə imkan verir.
