Moskva meri Sergey Sobyanin hava hücumundan müdafiə qüvvələrinin Moskvaya doğru uçan 22 pilotsuz uçuş aparatının (PUA) məhv edildiyini bildirib.
Oxu.Az xəbər verir ki, o, bu barədə özünün “Telegram” kanalında yazıb.
Bildirilir ki, PUA-lar Ramenskoye, Domodedovo və Kolomna üzərində vurulub.
Federal Hava Nəqliyyatı Agentliyi uçuş təhlükəsizliyini təmin etmək üçün Domodedovo və Jukovski hava limanlarının fəaliyyətini məhdudlaşdırıb.
Məlumata görə, dronların qalıqlarının yerə düşməsi nəticəsində iki fərdi yaşayış evi yanıb. 52 yaşlı qadın yanıq xəsarətləri ilə xəstəxanaya çatdırılıb.
