Azərbaycanlı döyüşçü Nazim Sadıqovun Mütləq Döyüş Çempionatındakı (UFC) növbəti rəqibi bilinib.
Oxu.Az xəbər verir ki, o, braziliyalı İsmael Bonfimlə üz-üzə gələcək.
Döyüş gələn il fevralın 15-də Nevada ştatının Las-Veqas şəhərində keçiriləcək.
İsmael yerli azarkeşlərə tanış rəqibdir. O, UFC-yə aparan yolda – “Dana White’s Contender Series”də Azərbaycan təmsilçisi Nəriman Abbasovu məğlub edib.
Qeyd edək ki, bu, Sadıqovun UFC-də 4-cü döyüşü olacaq. O, səkkizguşəli rinqdə 2 qələbə, 1 heç-heçə ilə yadda qalıb. Rəqibi isə keçirdiyi 3 döyüşün 2-də qələbə qazanıbsa, 1 halda məğlub olub.
