ABŞ Silahlı Qüvvələrində xidmət edən bütün transgenderlər xidmətdən qovula bilərlər. Ölkənin yeni seçilmiş prezidenti Donald Tramp müvafiq fərmanı verməyi planlaşdırır.
Oxu.Az-ın verdiyi məlumata görə, bu barədə “The Times” qəzeti Pentaqondakı mənbələrə istinadən xəbər verib.
Bildirilir ki, Tramp 15 min nəfəri əhatə edəcək fərmanı vəzifəyə başladığı ilk gün imzalaya bilər.
Xatırladaq ki, mart ayının sonunda Trampın qərargahı ABŞ-nin hazırkı Prezidenti Co Baydendən transgenderlər gününü təsis etdiyinə görə üzr istəməsini tələb edib.
