Qadın futbolçulardan ibarət Azərbaycan millisi bu gün Rusiya yığması ilə yoldaşlıq oyunu keçirəcək.
Oxu.Az xəbər verir ki, Siyasət Əsgərovun baş məşqçisi olduğu kollektiv rəqibi ilə səfərdə üz-üzə gələcək.
Soçi şəhərindəki “Fişt” Olimpiya Stadionunda təşkil olunacaq qarşılaşma Bakı vaxtı ilə saat 18:00-da start götürəcək.
Görüşün baş hakimi tacikistanlı Nodira Mirzoeva olacaq.
Qeyd edək ki, komandalar dekabrın 2-də yenidən üz-üzə gələcəklər.
