“Qarabağ” klubunun zədəli futbolçularının sayı dördə yüksəlib.
Oxu.Az-ın əldə etdiyi məlumata görə, komandanın kapitanı Bədavi Hüseynov minimum dörd həftə yaşıl meydanlardan uzaq qalacaq.
Xatırladaq ki, bundan öncə Kevin Medina, Bəhlul Mustafazadə və Aleksey İsayev də zədədən əziyyət çəkdikləri üçün komandanın düşərgəsini tərk ediblər.
Qeyd edək ki, Bədavi Hüseynov “Qarabağ”ın “Sumqayıt”ı 5:0 hesabı ilə məğlub etdiyi görüşün 28-ci dəqiqəsində meydanı tərk edib. Onu Elvin Cəfərquliyev əvəz edib.
