Albaniya hökuməti “TikTok”un bütün ölkə ərazisində istifadəsini ən azı bir il müddətinə qadağan etmək qərarına gəlib.
Oxu.Az xəbər verir ki, bu barədə “PULL” “Telegram” kanalı məlumat yayıb.
“Məktəblərdə fiziki və rəqəmsal təhlükəsizliyi yaxşılaşdırmaq üçün institutlarımız tərəfindən hazırlanmış alətlər paketi əsasında “TikTok” platformasını bloklamaq qərarına gəldik”, – təhsil naziri Oqerta Manastirliu bildirib.
Bundan əlavə, planın icrası zamanı daha yaxşı monitorinq üçün BƏƏ ilə layihə çərçivəsində bütün dövlət məktəblərində smart kameralar quraşdırılacaq.
Qeyd olunur ki, bir çox ölkələr platformanın Çinlə əlaqələri ilə bağlı təhlükəsizlik problemlərindən narahatdırlar.
