Türkiyənin “Hatayspor” komandası baş məşqçisi Rıza Çalımbay ilə yollarını ayırıb.
Oxu.Az “SporX”-ə istinadən xəbər verir ki, təcrübəli mütəxəssislə müqaviləyə qarşılıqlı razılıq əsasında xitam verilib.
Xatırladaq ki, Hatay təmsilçisi hazırda 9 xalla turnir cədvəlinin 18-ci pilləsində qərarlaşıb.
Qeyd edək ki, “Hatayspor” klubu bu mövsüm artıq üçüncü baş məşqçi ilə yollarını ayırıb. Klubu 2022-ci ildən çalışdıran Volkan Demireli Özhan Pulat əvəz etsə də, daha sonra o da sentyabr ayının üçündə vəzifəsindən azad edilib. Daha sonra komandanın sükanı arxasına keçən Rıza Çalımbay isə “Hatayspor”u cəmi 15 oyunda meydana çıxarıb.
