2025-ci ildə “Qızıl top”u qazanmağa namizəd olan futbolçuların adı açıqlanıb.
Oxu.Az Goal.com-a istinadən xəbər verir ki, idman jurnalistlərinin səsverməsi əsasında tərtib olunan favoritlərin siyahısına İngiltərənin “Liverpul” klubunda çıxış edən Məhəmməd Salah başçılıq edir.
İspaniya təmsilçisi “Real”dan Vinisius Junior ikinci, “Barselona”dan Rafinya üçüncü olub.
Növbəti mövqelərdə Almaniyanın “Bavariya” komandasından Camal Musiala, “Barselona”dan Robert Levandovski, Lamin Yamal, “Real”dan Kilian Mbappe, “Bavariya”dan Harri Keyn, İngiltərənin “Çelsi” klubundan Koul Palmer və Almaniya təmsilçisi “Bayer 04″dən Florian Virts yer alıblar.
Xatırladaq ki, 2024-cü ildə “Qızıl top”u İngiltərənin “Mançester Siti” komandasından Rodri qazanıb.
Qeyd edək ki, mükafatın sahibi jurnalistlərin səsverməsi nəticəsində müəyyənləşəcək.
