2024-cü ilin ən məhsuldar müdafiəçiləri bəlli olub.
Oxu.Az xəbər verir ki, Beynəlxalq Futbol Tarixi və Statistikaları Federasiyası (IFFHS) il ərzində 10 və daha çox qol vuran müdafiəçilərin siyahısını tərtib edib.
PAOK-da çıxış edən qanalı Abdul Rahman Baba öz mövqeyində ən yaxşı bombardir olub. O, bütün turnirlər nəzərə alınmaqla ümumilikdə 14 qola sevinib.
Eyni sayda qol vuran Qabriel Ments ikincidir. Maltalı müdafiəçi “Qzira”nın heyətində fərqlənib.
İlk üçlüyü Mərakeşin “Berkane” klubunda çıxış edən burkinafasolu İsufu Dayo qapayır – 13 top.
Qeyd edək ki, cədvələ 10 və daha çox qol vuran 13 müdafiəçi daxil edilib.
