“Ultimate Fighting Championship”in (UFC) sabiq çempionu Həbib Nurməhəmmədov Los-Ancelesə gedərkən ABŞ təyyarəsindən endirilib.
Oxu.Az xəbər verir ki, bu barədə “Essentially Sports” yazır.
Məlumata görə, UFC əfsanəsi yoldaşlarının döyüşlərinə getmək istəyib.
Keçmiş idmançı təcili çıxışın yaxınlığında oturub. Stüardessa Nurməhəmmədovdan yerini boşaltmağı xahiş etsə də, o, bunu etməyib. Daha sonra mübahisəyə bort bələdçisi müdaxilə edib.
Nəticədə, idmançı təyyarədən endirilib. Onun ardınca keçmiş çempionu müşayiət edən dostları da nəqliyyat vasitəsindən düşüblər.
