Boks üzrə ağır çəkidə mütləq dünya çempionu, məğlubedilməz ukraynalı Aleksandr Usik “The Ring” jurnalı tərəfindən ilin boksçusu seçilib.
Oxu.Az xəbər verir ki, idmançı 2024-cü ildə iki döyüş keçirib, hər ikisində britaniyalı Tayson Fyuri ilə qarşılaşıb.
İlk döyüş mayın 18-də baş verib. Orada Usik Fyurini hakimlərin yekdil olmayan qərarı ilə məğlub edib və Fyurinin o vaxt sahib olduğu WBC titulunu ələ keçirib.
Dekabrın 21-də boksçuların revanş görüşü olub və nəticədə Aleksandr bu dəfə hakimlərin yekdil qərarı ilə üstün olub.
