Gəndob-Yalama avtomobil yolunda, Xaçmaz şəhəri ərazisində yol-nəqliyyat hadisəsi baş verib.
Oxu.Az APA-ya istinadən xəbər verir ki, “Opel” markalı nəqliyyat vasitəsi KIA markalı avtomobilə çırpılıb.
Nəticədə üç nəfər, Samir Balakişiyev, İradə Bayramova, Sərxan Barataşvili müxtəlif dərəcəli xəsarətlər alıblar. Onlar Xaçmaz Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
