Səudiyyə Ərəbistanının “Əl-Əhli” klubu “Real Madrid”in braziliyalı vingeri Vinisius Juniorla maraqlanır.
Oxu.Az “Championat”a istinadən xəbər verir ki, Səudiyyə Ərəbistanı klubunun rəhbərliyi Vinisiusu cari mövsümün sonunda heyətinə qatmağı əsas hədəfi hesab edir və onun üçün 296 milyon funt sterlinq (təxminən 350 milyon avro) təklif etməyə hazırdır.
Qeyd edək ki, Vinisius “Real Madrid” heyətinə 2018-ci ilin iyulunda qoşulmuşdu. Futbolçunun klubla hazırkı müqaviləsi 2027-ci ilin iyunun sonuna kimidir. Bu mövsüm futbolçu 26 matçda iştirak edib, 16 qol vurub və 10 məhsuldar ötürmə edib. “Transfermarkt” portalına görə, futbolçunun transfer dəyəri 200 milyon avrodur.
